MAHREZ DJATIT-RI ELKARRIZKETA GOIBERRIN

Mahrez Djatit (Aljeria, 1999) jaiotzez aljeriarra bada ere, hilabete bat zuenetik bizi da Legazpin. Dioenez, aitak lana lortu zuen Legazpin eta horregatik utzi zuten jaioterria. Hala ere, Mahrez Arjelian jaiotzea nahi zuten gurasoek eta hura jaio zen arte itxaron zuten Legazpira etortzeko. Legazpiko Maldan Behera goitibehera taldeko kide da Mahrez, eta denboraldia «sentsazio onekin» amaitu duela dio.

Leer mas…


AGIRREBURUALDE EZ DA EUROPAKO GOITIBEHERA TXAPELKETARA JOANGO

Maldan Behera Inertzia Kirolen elkarteko Julen Agirreburualde goitibehera gidaria Italiako iparraldera joatekoa zen aste honetan. Bertan Europako Goitibehera Lehiaketaren 35. ekitaldian parte hartzeko asmoa zuen. Azken orduan, osasun arazoak izan ditu Agirreburualdek eta dioenez, «erabakia hartzea gogorra izan da, baina azkenean ezingo naiz Italiara joan».

Leer mas…


JULEN AGIRREBURUALDE, AZKARRENA I. USURBEKO JAITSIERAN

Beasaingo Loinatz jaietan, goitibehera lehiaketa izan da egitarauko berrikuntzetako bat, Txosna Batzordeak antolatuta. 15:00etan hasita, hiru jaitsialdi egin dituzte 27 goitibehera zaleek, hilerriko bidegurutzetik Erauskin plazaraino. Hiru jaitsialdietako denborak batuta, Julen Agirreburualde izan da lehenengoa, bigarrena Mahrez Dijatit eta hirugarrena Jon Ander Martinez eta Beñat Jauregi.

Leer mas…


IVAN SANCHEZ AZKARRENA LEGAZPIKO GOITIBERA PROBAN

Legazpiko V. Goitibehera proba jokatu dute asteburuan, Aztiria eta Motxorro artean. Guztira 47 lagunek parte hartu dute; publiko aldetik ere, jende dezente gerturatu zen, “espero baino gehiago” antolatzaileen esanetan. Istripurik ez zela izan eta “dena ondo” joan zela ere azaldu dute.

Leer mas…


Julen Agirreburualde Goierrira GHiltza-n

Goierriko Hitza eta Goierri Irrati Telebistaren arteko lehen lankidetza dugu Goierrira Ghiltza saioa. 2017ko Urtarrilean Idiazabalgo Areto Futboleko neskak eta Julen Agirreburualde Goitibehera gidaria izan ditugu protagonista.


11´30″tik aurrera ikusgai

ALDAPAK JOLASTEKO DIRA

Legazpiko Maldan Behera kirol elkarteak Sputnik goitibehera merkaturatu du, finantzazio iturri modura. Kontinente guztietako haurrek, lehen eta orain, aldapak jolasteko erabili dituzte. Legazpiarrek hori berreskuratu nahi dute.

Leer mas…


MALDAN BEHERA, BAINA GORAKA

Kirola da, ala festetako ekitaldi zoro bat? Goitibeherei buruz hitz egitean, galdera soil horrek behin baino gehiagotan amaitzen du eztabaidarako gai izaten. Kirola dela defendatuko dute batzuek, prestaketa eskatzen duena, eta lehia bultzatzen duena. Beste batzuek, berriz, ikuskizuna eskaintzen duen ekitaldi baten modura ikusiko dute; eta gazteen ustezko erokeriarekin eta burugabekeriarekin lotzen duenik ere izango da. Legazpiko Maldan Behera elkarteak garbi du: kirola da. Gizarteak ere beraiek bezain garbi izan dezan dute helburu, eta, horretarako, hainbat ekintza antolatzen dituzte, haurrekin hasita.

Leer mas…


JULEN AGIRREBURUALDE: «EUROPAKO TXAPELKETA BESTE MUNDU BAT DA, ASKO IKASTEN DA»

 

Europako Inertzia Kirolen Txapelketan parte hartuko du Julen Agirreburualdek (1988, Legazpi), bigarren urtez. Belgikan jokatuko da aurten txapelketa, uztailaren 29tik 31ra.

Noiz eta nolatan hasi zinen goitibeherak gidatzen?

Txikitatik gustatu izan zait gurpil gainean ibiltzea: goitibeherak, bizikleta, kotxeak… Lehenengo goitibehera hamabi bat urterekin egin genuen, lagun artean. Denborak aurrera egin ahala, lagunak afizioa galtzen joan ziren, baina nik interesa izaten jarraitu nuen. Zumarragako festetan egiten zen lasterketa ikustera joaten nintzen, besteak beste. Hamasei urterekin parte hartu nuen nire lehenengo lasterketan, Urretxuko jaietan.

Leer mas…